Chor viril Laax

Beinvegni

Nus havein plascher da cantar e da presentar nossas canzuns avon in grond publicum.
Nies repertori cumpeglia canzuns popularas, profanas e religiusas.
Nus passein si a fiastas dil vitg, natalezis, giubileums e separticipein regularmein a fiastas da cant.

Nossas finamiras
  • Cantar en in chor viril
  • Tgirar la cumpignia
  • Embelir fiastas profanas ed sacralas
  • Separticipar a fiastas da cant

Novs cantadurs

Nus essan adina alla tscherca da novs cantadurs.
Schazegias la cumpignia denter umens ed has plascher da cantar canzuns romontschas ni en auters lungatgs? Lu eis ti il proxim cantadur dil chor viril Laax!

S’annunzia semplamein tier nies president ni tier in da nos cantadurs.
Las emprovas da cant ein mintgamai il gliendisdis dallas 20.00 uras tochen las 22.00 uras en la Sentupada. Nus havessan plascher.

Finamiras

Egl onn da cant 2023/2024 vegnin ad emprender ina nova messa a capella. Finamira ei da saver presentar ella l'emprema gada da Tschuncheismas 2024.

Sco secunda finamira principala vegnin a separticipar ils 16 da zercladur 2024 alla fiasta da cant districtuala che ha liug a Trun.

Fiasta da cant Trun

Egl onn 2024 ha liug la proxima fiasta da cant sursilvana a Trun. Quella vegn organisada en connex cun las festivitads “600 onns Ligia Grischa”. Nus selegrein gia oz sin quella occurenza.

https://www.trunconta.ch/

CHOR VIRIL LAAX